ياطير لك في خافقي الحي فزعه
فزعة محبن ما تخيّب هقاويه
ولك فزةً ياطير من غير رجعه
تشفي عليلن عاجزن من يداويه
والحال واحد بين ربعي وربعه
حرن توانا فاستباحو مراعيه
لكن له في ساعة الجد وقعه
لاشاف سيف الغدر يتبع خطاويه
يفرض على جوه اذا حام منعه
ويلملم اشلاء الوجع بين جنبيه
ويفتدي بالروح خمسه وسبعه
ما هي بهقوة منّ والا مشاريه
شاعر نهل من اجزل الشعر بدعه
تضهر بواطنها جزالة معانيه
ما هو كلامن دونه بين رقعه
اذا بلت يبلا وتمحى قوافيه
لكن مثال التضحيه راس قلعه
تقتات من قوت الكرامه مباديه
حره غلاها نابتن تحت ظلعه
لا ولّولت ثارت براكينها فيه
صحيح متعب من صراعات وضعه
لكن صبره من ضماء الصخر ساقيه
والي بجوفه من جواء الصخر قطعه
نبضه يدوّي في مسامع اعاديه
ليست هناك تعليقات:
إرسال تعليق