الشاعر امين ابومازن (يابنت)

جتني تسولف قلت يابنت تكفين
شيخً  كبير  السن  للهرج  عايف

تتعرفي يابنت ياحيف ما تبين
وتعرضين العرض في سعر هايف

يابنت ماني لك على ماتحبين
ماني من الي خان عشرة ولايف

يابنت لو بدك صراحه تحبين
عليك بالحشمه  وستر الردايف

عمري انا يابنت خمسه وخمسين
ماعاد لي يا بنت بالحب ضايف

ما تدري ان الخلق يا بنت فانين
الله  يكرم  في  زمنا   الشرايف

يابنت ويش الي تبينه  وتدرين
بدوي اصيل الساس له راس نايف

وان كان عمري في حدود الثلاثين
معطيك  ما تبتل  منه  الشفايف

هذي  سلومي  حدها  حد  سكين
مايوم جتني من وراها  حسايف

الشاعر امين ابومازن (ابوح لك بالوجد)

ابوح لك بالوجد والشوق العفيف
رغم ان روحي في المحاني واجفه

لاتحسب اني بالسهل والا الضعيف
وابيات  نظمي  في ورقها  واقفه

هذا وليفي في الهوى واغلى وليف
الشعر   وابياته   حروفً   عازفه

من اجل عينك تمطر ابياتي خريف
واحكي على قصر المعاني سالفه

ايه والله اني غايبً بضعً ونيف
فنفس شاعر من حياته عايفه

اذا تعلل من رحا دله وكيف
ماتشف روحه من جروحً نازفه

الشوق  بوحن سن له حدً وسيف
وغيمةً  تأتي  ورها  العاصفه

ما كل دارً  تدخله واجبك ضيف
وما كل موسوعة  علومً  نايفه