يا عين حرً ماتوانت على حر
عين الحرار ونظرة العين حره
اذا نوينا نجلب الويل والشر
يكفيك شر الحر لاجاك شره
واذا عشقنا ما نخبي ونغدر
تبقى المحبه بلقلوب مستقره
ومن غدرنا ساعته يلقي الضر
ونبيع ساعات السعدّ والمسره
ولا نجامل لا نطق بيننا غر
كلمة افا عند الرجاجيل مُره
والكفو لا منه دعانا فيبشر
وألا حلقنا في الشنب كل شعره
لان المراجل بالفعايل تكبر
مايمتهن بين الرجاجيل قدره
والا المهايط في كلامه يصغر
مواقف الرجال كره وفره
والعاقل الي لانطق كسر يجبر
يشفي جراح الي انكوى بلمضره
وحنا تربينا على ما يكبر
ندعس صغايرها ونحرق مقره
الطيب فينا ما عرفنا تكبر
لكن ملاقي القوم ياكثر كبره
وحنا الغيوم الي هبوبه تبشر
وحنا رجال الموت في كل قفره
خلي النعومه للرقيق المخصر
من شالها ماله من العز ذره
بعض الاوادم شانها عيب تذكر
صورة اسد وافعاله افعال هره
يا الله تجملنا وللعيب تستر
ياعالمن شعري ومكنون سره
ابومازن
