تركب سماها ريش وتعيش حره
وبارقن يلمع وينثر شررها
نفس العزيز بداخله مستقره
ما تاخد الا ما كتب في عمرّها
والناس ذا خيره وهذا بشره
ما تبلغ الآجال الا قدرها
ومن تعلم يكسب الخير مره
لابد ما يكسب ويلقى اثرها
ومن سكن في باطن الصمت سره
ينأى بنفسه عند ريحة خبرها
كن كالسما واسع وفكرك مجره
واخزن جواهرها وعانق قمرها
وحط فيما تخصب الارض بذره
ماينخر الديدان ناقي ثمرها
عزالله انك لي من الروح قطره
وانتي مثال التضخيه يا نضرها
انتي العفاف الي سكن وسط صدره
وانتي لعيني كل لوعة سهرها
وانتي معاني الشعر يابوح شعره
وانتي قوافيها ولمعة دررها
شاعر على الميعاد ماجف حبره
يا لوعة المشتاق واغلا عبرها
......
......
ابومازن
ليست هناك تعليقات:
إرسال تعليق