لاتبتلش ياصاحبي بطعونه
هذي مقادير الحياه الملعونه
كم واحدن على مضضها عايش
ومواهبن في قبرها مدفونه
واشيا تخفى عنك ماتعرفها
ياكنها عن ناضرك مسجونه
شايع ويدري كل منهم حولك
عفريت يلعبها على مجنونه
انظر لحولك عن كثب واتمعن
واحذر لسان الي كما الطاحونه
يلوكها لوك السباع الجيفه
وكبودهم باحقادهم مشحونه
واحذر زمانن مايوفر صاحب
يبيع الخوي في عيشته ويخونه
لو كان له حاجه ومقضى حاجه
يلبس قناع محشمه مزيونه
تغري بحشمتها كريم المربا
مايدري انها لحاجته مرهونه
حتى تجيه ايام كشف الخافي
ويفصح لسان المكر عن مكنونه
وافتيك عن اشيا ماهي سهله
من هو جهلها يا غبون غبونه
ثنتين لا مرت على صاحبها
يموت من قهره وكثر ضنونه
وثنتين ما تبعد على اولها
الكل يعشقها وهي مفتونه
لا جيتها تسأل يرد ابوها
وتكره ابوها عايشه من دونه
متزوجه من دون زوج يسترها
مشرده وعيالها يعصونه
لاجيت تنصحهم بحق الطاعه
يسلّمو بالقول في مضمونه
واحذر لحى في كل يومً فتوى
ويحللو بحرام قد افتونه
مدري صلاح الدين والا فتنه
والا اللحى من زيفهم مدهونه
من اي شرعه بعد اخذ ديني
ان كان ارباب اللحى باعونه
يالله ثبتنا على دين الحق
وارفع علينا الجور من فرعونه
يالله تسهل درب منهو ضايق
العاثر ألي مرتمي بحزونه
الّف قلوب الناس كي تتراحم
ويأمن المأمون في مأمونه
ويا لله سالك لا شماته فينا
لاتاخذ الانفس بما سوونه
يا امةً كانت بعزن وافر
من بعد عز الذل لاترضونه
لاترتضو كشف الحجاب الساتر
بعد التبرج تفسد الزيتونه
الله يأمر بحتشام وعفه
حكمن وباين كامل البينونه
والحريه الي ينادو فيها
كالمبتلي بالدا من طاعونه
ومن قبل لاهله العري والفتنه
باع التقى والعفه الميمونه
مضن في صدره احتشام وغيره
رخيص وارخص درةً مصيونه
والتفرقه يا امة ً متهالك
يسهل على الاعداء هد ركونه
ليست هناك تعليقات:
إرسال تعليق