يشتاق لك قلبن تقطع من الشوق
شوق الهوى الي حرها شب ناري
لامن ذكرتك حرّمت نومي الموق
من كبر ضيقي ضاق مني ازاري
تذبحني العبره من البعد واتوق
عبرة اسا ياكن فيني انتحاري
اوجاع تلمع كنها شاعل بروق
كني بميدان الحروب الضواري
احن لك حنين ما حنت النوق
وما حن ذيبً جوع وسط الصحاري
لك حر مالي والغلا داخلي سوق
سوق الغلا ماهو لبايع وشاري
فلجل عينك ابذل المال واسوق
واكون لك كالنهر عذب ً وجاري
وان صحني من غفلتي اي مخلوق
افز وانادي بوصلك جهاري
ليست هناك تعليقات:
إرسال تعليق